Logo
#casolina17

 

Patrocinadores

Aurkezpena

ANFAS, adimen- eta garapen-desgaitasuna duten pertsonen aldeko Nafarroako elkartea, 1961. urtean eratu zuten. Irabazi-asmorik gabeko elkartea da, eta Giza Eskubideen Adierazpen Unibertsala eta Adimen Desgaitasuna duten Pertsonen Eskubide Orokorren eta Berezien Adierazpena dira bere xedearen oinarriak.

ANFASen misioa, elkartearen eragilea, hau da: "Konpromiso etikotik abiatuta, eta eskubideak egikaritzearen eta gizarteratzearen aldeko testuinguruan, beharrezkoak diren laguntzak eta zerbitzuak bermatzen laguntzea, adimen- edo garapen-desgaitasuna duten pertsonak eta horien familiek bizitza-proiektu pertsonalak aurrera eraman ditzaten eta beren bizi-kalitatea hobe dezaten, hiritar gisa, Nafarroa justu eta solidario batean".

2016an, adimen-desgaitasuna edo garapen-nahasmenduak dituzten 1.300 laguni eta horien familiei eskaini zien arreta, 89 profesionalen lanari eta ia 700 boluntarioren laguntza ordainezinari esker.

1999an, Nafarroako Gobernuak Nafarroako Urrezko Domina eman zion elkarteari, egindako lana aintzatetsiz. Urte berean, Nafarroako Kirolaren eta Gazteriaren Institutuak boluntariotzaren saria eman zion.

LABORAL Kutxa, berriz, banka egiteko beste modu baten erakusgarri da, lankidetza eta gizartearekiko konpromisoa oinarri duena, banka kooperatiboa, demokratikoa eta arduratsua, emaitzen % 25 ekonomikoki eta sozialki interesgarriak diren proiektuetara, prestakuntzara eta enplegua sortzera bideratzen duena.

2014an, bi erakundeek indarrak batu eta ANFASen aldeko Nafarroako Lasterketa Solidarioa antolatu zuten. 2017koa lasterketaren laugarren edizioa izango da eta, oraingoan ere, RocktheSport-en laguntza teknikoa izango dugu eta Ricardo Abad Tafallako iraupen-lasterkari handiaren laguntza estimagarria. Bere Retos Solidarios fundazioko kide da ANFAS ere.

Gure helburua haztea eta irautea denez, harrotasunez jakitera eman nahi dugu 2017an NUPek ere bat egin duela gure lasterketarekin eta bere 30. urteurrena ospatzeko antolatu duen asteko egitarauaren barruan sartu duela.

Bukatzeko, lasterketaren antolatzaileok eskerrak eman nahi dizkizuegu ekimenean modu batera edo bestera parte hartuko duzuen guztioi, zuen ekarpenari esker gizarte inklusiboagoa eta solidarioagoa lortzeko lanean jarraitu ahal izango dugulako.

Zuek gabe ezinezkoa litzateke,

Zain gaituzue #casolina17 lasterketan!!


Informazioa

NOIZ:
IGANDEA, URRIAK 8 - 11 ordua.
TOKIA:
P. SARASATE, 20
IZEN EMATEA DATA:
07/10/2017era
PREZIOA:
12 EUROS

IZEN EMATEEN PREZIOA ADIMEN MINUSBALIOTASUNA DUTEN PERTSONEN ALDEKO NAFARROAKO ELKARTEARI (ANFAS) LAGUNTZEKO IZANGO DA SOILIK





Ibilbidea

Ricardo Abdad tafallar ultrafondistak diseinatu du ibilbidea, eta hiriko kale ezagunenetako batzuk zeharkatuko ditu.


Kolaboratzaileak

Copyright 2017 - IV Carrera Solidaria Navarra